ye to mumkin na tha wafa karte

ye to mumkin na thā vafā karte

aap mil kar bhī mujh se kyā karte

Dar ga.e barq kī chamak se kalīm

baat to jab thī sāmnā karte

aa to jaate ki vaqt-e-āḳhir thā

mere marne hī kī duā karte

na mile vo na hasrateñ niklīñ

kaT ga.ī umr mudda.ā karte

hijr-e-mahbūb kā ilaaj to thā

zaḳhm-e-hasrat kī kyā davā karte

jo haiñ nā-āshnā-e-harf-e-vafā

vo kisī se kahāñ vafā karte

un ke aane se maiñ na jī jaatā

rasm-e-duniyā to vo adā karte

ḳhalq kī ye sadā bhī sun lo 'habīb'

safar-e-dasht-e-karbalā karte

ye to mumkin na tha wafa karte

aap mil kar bhi mujh se kya karte

Dar gae barq ki chamak se kalim

baat to jab thi samna karte

aa to jate ki waqt-e-aKHir tha

mere marne hi ki dua karte

na mile wo na hasraten niklin

kaT gai umr muddaa karte

hijr-e-mahbub ka ilaj to tha

zaKHm-e-hasrat ki kya dawa karte

jo hain na-ashna-e-harf-e-wafa

wo kisi se kahan wafa karte

un ke aane se main na ji jata

rasm-e-duniya to wo ada karte

KHalq ki ye sada bhi sun lo 'habib'

safar-e-dasht-e-karbala karte