ye to sahra hai yahan ThanDi hawa kab aaegi

ye to sahrā hai yahāñ ThanDī havā kab aa.egī

yaar, tum ko saañs lene kī adā kab aa.egī

kuuch karnā chāhte haiñ phir mirī bastī ke log

phir tirī āvāz ai koh-e-nidā kab aa.egī

nasl-e-tāza, maiñ tujhe kyā tajrabe apne batā.ūñ

tere baḌhte jism par merī qabā kab aa.egī

sar-barahna bībiyoñ ke baal chāñdī ho ga.e

ḳheme phir istāda kab hoñge ridā kab aa.egī

taaq meñ kab tak jalegā ye charāġh-e-intizār

is taraf shab-e-gasht logoñ kī sadā kab aa.egī

merī miTTī meñ bhī kuchh paude numū-āmāda haiñ

tū mire āñgan tak ai kaalī ghaTā kab aa.egī

ye to sahra hai yahan ThanDi hawa kab aaegi

yar, tum ko sans lene ki ada kab aaegi

kuch karna chahte hain phir meri basti ke log

phir teri aawaz ai koh-e-nida kab aaegi

nasl-e-taza, main tujhe kya tajrabe apne bataun

tere baDhte jism par meri qaba kab aaegi

sar-barahna bibiyon ke baal chandi ho gae

KHeme phir istada kab honge rida kab aaegi

taq mein kab tak jalega ye charagh-e-intizar

is taraf shab-e-gasht logon ki sada kab aaegi

meri miTTi mein bhi kuchh paude numu-amada hain

tu mere aangan tak ai kali ghaTa kab aaegi