ye TuTi kashtiyan aur bahr-e-gham ke tez dhaare hain
ye TuTi kashtiyan aur bahr-e-gham ke tez dhaare hain
Ram Krishn Muztar
MORE BYRam Krishn Muztar
ye TuuTī kashtiyāñ aur bahr-e-ġham ke tez dhāre haiñ
kināroñ se haiñ ummīdeñ na maujoñ ke sahāre haiñ
nahīñ ma.alūm kyā kyā rañg badlegī abhī duniyā
nigāh-e-vaqt ke ai dil bahut nāzuk ishāre haiñ
mire aañsū to jazb-e-ḳhāk ho kar rah ga.e kab ke
daraḳhshāñ un kī palkoñ par abhī tak kuchh sitāre haiñ
hamārī aur tumhārī zindagī meñ farq hī kyā hai
vahī bāteñ tumhārī haiñ vahī qisse hamāre haiñ
ibārat hai unhīñ se dāstān-e-zindagī 'muztar'
kisī kī yaad meñ jo zindagī ke din guzāre haiñ
ye TuTi kashtiyan aur bahr-e-gham ke tez dhaare hain
kinaron se hain ummiden na maujon ke sahaare hain
nahin malum kya kya rang badlegi abhi duniya
nigah-e-waqt ke ai dil bahut nazuk ishaare hain
mere aansu to jazb-e-KHak ho kar rah gae kab ke
daraKHshan un ki palkon par abhi tak kuchh sitare hain
hamari aur tumhaari zindagi mein farq hi kya hai
wahi baaten tumhaari hain wahi qisse hamare hain
ibarat hai unhin se dastan-e-zindagi 'muztar'
kisi ki yaad mein jo zindagi ke din guzare hain
- Raqs-e-bahar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
