ye umr musibat ki basar ho ke rahegi
ye umr musībat kī basar ho ke rahegī
jab shaam huī hai to sahar ho ke rahegī
afsurdagī-e-dil gul-e-tar ho ke rahegī
āh-e-saharī bād-e-sahar ho ke rahegī
ḳhud un ke taġhāful kī ināyat se kisī din
un ko mirī hālat kī ḳhabar ho ke rahegī
vo barq-e-tajallī jo abhī ka.aba-e-dil hai
ik roz vo masjūd-e-nazar ho ke rahegī
yā qābil-e-sajda hī rahegā na dar-e-husn
yā merī jabīñ qābil-e-dar ho ke rahegī
sairāb nazar hogī mirī yā gul-e-tar se
yā ḳhatm bahār-e-gul-e-tar ho ke rahegī
ab un kī jafā.eñ nazar-andāz na hoñgī
ab merī vafā madd-e-nazar ho ke rahegī
jo ġhaflat-e-āzādī-e-gulshan meñ kaTegī
us raat kī zindāñ meñ sahar ho ke rahegī
ye umr musibat ki basar ho ke rahegi
jab sham hui hai to sahar ho ke rahegi
afsurdagi-e-dil gul-e-tar ho ke rahegi
aah-e-sahari baad-e-sahar ho ke rahegi
KHud un ke taghaful ki inayat se kisi din
un ko meri haalat ki KHabar ho ke rahegi
wo barq-e-tajalli jo abhi kaba-e-dil hai
ek roz wo masjud-e-nazar ho ke rahegi
ya qabil-e-sajda hi rahega na dar-e-husn
ya meri jabin qabil-e-dar ho ke rahegi
sairab nazar hogi meri ya gul-e-tar se
ya KHatm bahaar-e-gul-e-tar ho ke rahegi
ab un ki jafaen nazar-andaz na hongi
ab meri wafa madd-e-nazar ho ke rahegi
jo ghaflat-e-azadi-e-gulshan mein kaTegi
us raat ki zindan mein sahar ho ke rahegi
- Book : Kulliyat-e-bismil Saeedi (Pg. 171)
- Author : Bismil Saeedi
- Publication : Sahitya Akademi (2007)
- Edition : 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
