ye umr thi na abhi hijr ke zamane the

ye umr thī na abhī hijr ke zamāne the

mujhe to yaar abhī qahqahe lagāne the

isī liye to chhupā.e haiñ jā ke miTTī meñ

vo log log nahīñ qīmtī ḳhazāne the

vahī judā.ī vahī dūriyoñ kā mātam hai

jadīd daur meñ sadme vahī purāne the

ghaḌī kī ek suuī hil nahīñ rahī jaise

bichhaḌte vaqt kā lamha ka.ī zamāne the

jahān-e-kun-fayakūñ mujh pe naaz kartā thā

mire ḳhudā-o-payambar se dostāne the

kanār-e-āb thī sūraj se dostī jis kā

yahāñ pe aks kahīñ aur par Thikāne the

ye kis ne raat ke bārah baje uThāyā hai

abhī to ḳhvāb mujhe raushnī ke aane the

yahī bayān hai phir amn tak laḌeñge ham

murād ye ki abhī aur bam chalāne the

tumhī ne call milā.ī nahīñ vagarna to

bas ek phone pe ahbāb maan jaane the

shikastagī se baḌī puḳhtagī milānī thī

ye hādsāt kisī jiit ke bahāne the

hameñ to aur bhī 'e.ajāz'-e-fan dikhānā thā

bahut se harf sarā-e-suḳhan meñ aane the

ye umr thi na abhi hijr ke zamane the

mujhe to yar abhi qahqahe lagane the

isi liye to chhupae hain ja ke miTTi mein

wo log log nahin qimti KHazane the

wahi judai wahi duriyon ka matam hai

jadid daur mein sadme wahi purane the

ghaDi ki ek sui hil nahin rahi jaise

bichhaDte waqt ka lamha kai zamane the

jahan-e-kun-fayakun mujh pe naz karta tha

mere KHuda-o-payambar se dostane the

kanar-e-ab thi suraj se dosti jis ka

yahan pe aks kahin aur par Thikane the

ye kis ne raat ke barah baje uThaya hai

abhi to KHwab mujhe raushni ke aane the

yahi bayan hai phir amn tak laDenge hum

murad ye ki abhi aur bam chalane the

tumhi ne call milai nahin wagarna to

bas ek phone pe ahbab man jaane the

shikastagi se baDi puKHtagi milani thi

ye hadsat kisi jit ke bahane the

hamein to aur bhi 'eajaz'-e-fan dikhana tha

bahut se harf sara-e-suKHan mein aane the