ye waqia hai bazahir bahut ajib sa tha

ye vāqi'a hai bazāhir bahut 'ajīb sā thā

maiñ us ke qurb meñ apnā hī ḳhud raqīb sā thā

milā jo shahr-e-alam meñ vo ajnabī na lagā

har ik se dard kā rishta bahut qarīb sā thā

hue jo dost baġhal-gīr haath phailā kar

nazar meñ kyoñ mire naqsha khiñchā salīb sā thā

ye zard chehroñ kā sailāb maujzan har sū

ye apnā shahr to sahrā se bhī muhīb sā thā

huā 'shakīl' bhī āḳhir halāk-e-sang-e-ġhazab

qarīb jā ke jo dekhā to ham-nasīb sā thā

ye waqi'a hai bazahir bahut 'ajib sa tha

main us ke qurb mein apna hi KHud raqib sa tha

mila jo shahr-e-alam mein wo ajnabi na laga

har ek se dard ka rishta bahut qarib sa tha

hue jo dost baghal-gir hath phaila kar

nazar mein kyon mere naqsha khincha salib sa tha

ye zard chehron ka sailab maujzan har su

ye apna shahr to sahra se bhi muhib sa tha

hua 'shakil' bhi aaKHir halak-e-sang-e-ghazab

qarib ja ke jo dekha to ham-nasib sa tha