ye wahm jaane mere dil se kyun nikal nahin raha

ye vahm jaane mere dil se kyuuñ nikal nahīñ rahā

ki us kā bhī mirī tarah se jī sambhal nahīñ rahā

koī varaq dikhā jo ashk-e-ḳhūñ se tar-ba-tar na ho

koī ġhazal dikhā jahāñ vo daaġh jal nahīñ rahā

maiñ ek hijr-e-be-murād jheltā huuñ raat din

jo aise sabr kī tarah hai jis kā phal nahīñ rahā

to ab mire tamām rañj mustaqil raheñge kyaa?

to kyā tumhārī ḳhāmushī kā koī hal nahīñ rahā?

kaḌī masāfatoñ ne kis ke paañv shal nahīñ kiye?

koī dikhāo jo bichhaḌ ke haath mal nahīñ rahā

ye wahm jaane mere dil se kyun nikal nahin raha

ki us ka bhi meri tarah se ji sambhal nahin raha

koi waraq dikha jo ashk-e-KHun se tar-ba-tar na ho

koi ghazal dikha jahan wo dagh jal nahin raha

main ek hijr-e-be-murad jhelta hun raat din

jo aise sabr ki tarah hai jis ka phal nahin raha

to ab mere tamam ranj mustaqil rahenge kya?

to kya tumhaari KHamushi ka koi hal nahin raha?

kaDi masafaton ne kis ke panw shal nahin kiye?

koi dikhao jo bichhaD ke hath mal nahin raha