ye waqt-e-pur-fareb yun guzre hai tez-gam

ye vaqt-e-pur-fareb yuuñ guzre hai tez-gām

din kī haTā.ī pannī to andar se niklī shaam

īmān-o-ittihād kī tanzīm kho ga.ī

ab khāñchā jack pavvā chalātā hai ye nizām

jī chāhtā hai boriyā bāñdheñ nikal paḌeñ

apnā to tere shahr meñ jiinā huā harām

ḳhud ko ġharīb maan ke taqdīr jaan ke

din-rāt pis rahe haiñ dil-o-jān se avaam

jamhūriyat kī rail ko paTrī pe lā.eñge

sattar baras se bas yahī bhāshan haiñ sub.h-o-shām

merā karachi phir hai kisī sāmrī ke haath

ik bil meñ phañs ga.ī haiñ kahīñ gardisheñ tamām

jis ko bhī dekhte haiñ vo khoyā huā sā hai

jaise muqīm aur kahīñ hai kahīñ qiyām

schōl ḳhuun chūsne vaalī machine haiñ

bhejo gulāb-gūñ to palaTtā hai zard-fām

data kī is sadī pe kabhī ġhaur to karo

insān bik rahā hai yahāñ kauḌiyoñ ke daam

ye waqt-e-pur-fareb yun guzre hai tez-gam

din ki haTai panni to andar se nikli sham

iman-o-ittihad ki tanzim kho gai

ab khancha jack pawwa chalata hai ye nizam

ji chahta hai boriya bandhen nikal paDen

apna to tere shahr mein jina hua haram

KHud ko gharib man ke taqdir jaan ke

din-raat pis rahe hain dil-o-jaan se awam

jamhuriyat ki rail ko paTri pe laenge

sattar baras se bas yahi bhashan hain subh-o-sham

mera karachi phir hai kisi samri ke hath

ek bil mein phans gai hain kahin gardishen tamam

jis ko bhi dekhte hain wo khoya hua sa hai

jaise muqim aur kahin hai kahin qiyam

school KHun chusne wali machine hain

bhejo gulab-gun to palaTta hai zard-fam

data ki is sadi pe kabhi ghaur to karo

insan bik raha hai yahan kauDiyon ke dam