ye waqt jab bhi lahu ka KHiraj mangta hai
ye vaqt jab bhī lahū kā ḳhirāj māñgtā hai
hamāre jism meñ zaḳhmoñ ke phuul Tāñktā hai
ye āftāb nahīñ detā chāñd ko kirneñ
tamām din kī masāfat kā dard bāñTtā hai
bujhegī kaise ḳhudā jaane us ke peT kī aag
ye surḳh surḳh sā sūraj sitāre phāñktā hai
hamāre sabr ne us ko thakā diyā itnā
ye mo.ajaza hai ki maqtal meñ zulm hāñptā hai
maiñ terī shān-e-fazīlat meñ kaise likkhūñ ġhazal
mirā qalam hī nahīñ harf harf kāñptā hai
na jaane kaun se mausam kā hai vo dīvāna
abhī talak unhīñ galiyoñ kī ḳhaak chhāntā hai
'razā' maiñ nazreñ milā.ūñ to kis tarah us se
haqīqatan mire kirdār meñ vo jhāñktā hai
ye waqt jab bhi lahu ka KHiraj mangta hai
hamare jism mein zaKHmon ke phul Tankta hai
ye aaftab nahin deta chand ko kirnen
tamam din ki masafat ka dard banTta hai
bujhegi kaise KHuda jaane us ke peT ki aag
ye surKH surKH sa suraj sitare phankta hai
hamare sabr ne us ko thaka diya itna
ye moajaza hai ki maqtal mein zulm hanpta hai
main teri shan-e-fazilat mein kaise likkhun ghazal
mera qalam hi nahin harf harf kanpta hai
na jaane kaun se mausam ka hai wo diwana
abhi talak unhin galiyon ki KHak chhanta hai
'raza' main nazren milaun to kis tarah us se
haqiqatan mere kirdar mein wo jhankta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
