ye zamin aasman ka mumkin
ye zamīn āsmān kā mumkin
nahīñ saare jahān kā mumkin
aql kī ḳhār-zār vaadī meñ
rakh liyā hai gumān kā mumkin
kuchh mire hāl-e-zār kā imkān
kuchh tirī ān-bān kā mumkin
haiñ vahī nā-rasā.ī ke naġhme
aur vahī mehrbān kā mumkin
kuchh ziyāda tabāh kar na sake
jism ke saath jaan kā mumkin
aage aage huuñ maiñ mire pīchhe
hai mire qadr-dān kā mumkin
dūr-tar hai surāġh kā sāhil
dhund meñ hai nishān kā mumkin
lā-makānī hī lā-makānī hai
kho chukā hai makān kā mumkin
is buḌhāpe meñ bhī 'zafar' aa kar
koī dekhe javān kā mumkin
ye zamin aasman ka mumkin
nahin sare jahan ka mumkin
aql ki KHar-zar wadi mein
rakh liya hai guman ka mumkin
kuchh mere haal-e-zar ka imkan
kuchh teri aan-ban ka mumkin
hain wahi na-rasai ke naghme
aur wahi mehrban ka mumkin
kuchh ziyaada tabah kar na sake
jism ke sath jaan ka mumkin
aage aage hun main mere pichhe
hai mere qadr-dan ka mumkin
dur-tar hai suragh ka sahil
dhund mein hai nishan ka mumkin
la-makani hi la-makani hai
kho chuka hai makan ka mumkin
is buDhape mein bhi 'zafar' aa kar
koi dekhe jawan ka mumkin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
