ye zamin kuchh bhi nahin ye aasman kuchh bhi nahin

ye zamīñ kuchh bhī nahīñ ye āsmāñ kuchh bhī nahīñ

goyā ye duniyā ba-juz vahm-o-gumāñ kuchh bhī nahīñ

ek vo din thā ki the ham log mīr-e-kārvāñ

aaj ham lekin baġhair-e-kārvāñ kuchh bhī nahīñ

ik zamāna thā ki the ham mālik-e-kaun-o-makāñ

aaj apnī milkiyat meñ iiñ na aañ kuchh bhī nahīñ

apnā charchā thā kabhī duniyā-e-haft-iqlīm meñ

aaj apnī zindagī kī dāstāñ kuchh bhī nahīñ

ham se vābasta thī ik din raunaq-e-bazm-e-chaman

ab chaman hai nā chaman meñ āshiyāñ kuchh bhī nahīñ

ye zamin kuchh bhi nahin ye aasman kuchh bhi nahin

goya ye duniya ba-juz wahm-o-guman kuchh bhi nahin

ek wo din tha ki the hum log mir-e-karwan

aaj hum lekin baghair-e-karwan kuchh bhi nahin

ek zamana tha ki the hum malik-e-kaun-o-makan

aaj apni milkiyat mein in na aan kuchh bhi nahin

apna charcha tha kabhi duniya-e-haft-iqlim mein

aaj apni zindagi ki dastan kuchh bhi nahin

hum se wabasta thi ek din raunaq-e-bazm-e-chaman

ab chaman hai na chaman mein aashiyan kuchh bhi nahin