ye zamin wo aasman aisa na tha

ye zamīñ vo āsmāñ aisā na thā

is tarah dariyā kabhī bahtā na thā

zaḳhm bhī itne hare pahle na the

ye chaman gul-rañg bhī aisā na thā

sar-barahna sūrajoñ ke saath the

yuuñ ḳhayāl-e-yār be-sāya na thā

ik sitāra dil meñ raushan thā magar

aañkh ne us ko kabhī dekhā na thā

is taraf hī dekhtā rahtā thā maiñ

vo darīcha der tak khultā na thā

ek hī sahrā ke baasī the sabhī

koī apnā koī begāna na thā

har taraf tārīk thī duniyā magar

ik charāġh-e-dil thā jo bujhtā na thā

ye zamin wo aasman aisa na tha

is tarah dariya kabhi bahta na tha

zaKHm bhi itne hare pahle na the

ye chaman gul-rang bhi aisa na tha

sar-barahna surajon ke sath the

yun KHayal-e-yar be-saya na tha

ek sitara dil mein raushan tha magar

aankh ne us ko kabhi dekha na tha

is taraf hi dekhta rahta tha main

wo daricha der tak khulta na tha

ek hi sahra ke basi the sabhi

koi apna koi begana na tha

har taraf tarik thi duniya magar

ek charagh-e-dil tha jo bujhta na tha