ye zindagi KHayal hai aur ham-KHayal tu

ye zindagī ḳhayāl hai aur ham-ḳhayāl tū

apnā le mujh ko yuuñ na mirī jaañ nikāl tū

break-up kā ġham to thā hī mujhe ab ye ġham bhī hai

break-up ke baa'd lagne lagī hai vabāl tū

jo bhī kahūñgā jhuuT kahūñgā maiñ hosh meñ

piine ke baa'd pūchh mirā hāl-chāl tū

kyoñ dil meñ chubh rahā hai mirā pyaar hai agar

tū pyaar hai to pair kā kāñTā nikāl tū

ik to hai pyaar vo bhī mujhe vo bhī tujh se hai

maiñ bhī kamāl pyaar bhī us par kamāl tū

ye zindagi KHayal hai aur ham-KHayal tu

apna le mujh ko yun na meri jaan nikal tu

break-up ka gham to tha hi mujhe ab ye gham bhi hai

break-up ke ba'd lagne lagi hai wabaal tu

jo bhi kahunga jhuT kahunga main hosh mein

pine ke ba'd puchh mera haal-chaal tu

kyon dil mein chubh raha hai mera pyar hai agar

tu pyar hai to pair ka kanTa nikal tu

ek to hai pyar wo bhi mujhe wo bhi tujh se hai

main bhi kamal pyar bhi us par kamal tu