یوں اپنی شاعری ہمیں منظور ہو گئی

یوں اپنی شاعری ہمیں منظور ہو گئی

جو بھی غزل سنائی وہ مشہور ہو گئی

جس کے لیے اسیر غم و درد ہم ہوئے

وہ چیز عمر بھر کے لیے دور ہو گئی

وہ لڑکی جس سے ہم کو وفا کی امید تھی

غربت ہماری دیکھ کے مغرور ہو گئی

جس دن سے تم نے رکھا ہے دہلیز پر قدم

ہر رات زندگانی کی پر نور ہو گئی

شہنائیاں سی بجنے لگیں میرے ذہن میں

دیکھا جو ان کو جاں مری مسرور ہو گئی

پہلی نظر میں عشق گرفتہ ہوا تھا دل

پھر یوں ہوا کہ زندگی بھرپور ہو گئی

دیکھی جو آج میں نے تری بے رخی خطیبؔ

میری زباں بھی طنز پہ مجبور ہو گئی