yun apni shairi hamein manzur ho gai

yuuñ apnī shā'irī hameñ manzūr ho ga.ī

jo bhī ġhazal sunā.ī vo mash.hūr ho ga.ī

jis ke liye asīr-e-ġham-o-dard ham hue

vo chiiz 'umr-bhar ke liye duur ho ga.ī

vo laḌkī jis se ham ko vafā kī umiid thī

ġhurbat hamārī dekh ke maġhrūr ho ga.ī

jis din se tum ne rakkhā hai dahlīz par qadam

har raat zindagānī kī pur-nūr ho ga.ī

shahnā.iyāñ sī bajne lagīñ mere zehn meñ

dekhā jo un ko jaañ mirī masrūr ho ga.ī

pahlī nazar meñ 'ishq-girafta huā thā dil

phir yuuñ huā ki zindagī bharpūr ho ga.ī

dekhī jo aaj maiñ ne tirī be-ruḳhī 'ḳhatīb'

merī zabāñ bhī tanz pe majbūr ho ga.ī

yun apni sha'iri hamein manzur ho gai

jo bhi ghazal sunai wo mashhur ho gai

jis ke liye asir-e-gham-o-dard hum hue

wo chiz 'umr-bhar ke liye dur ho gai

wo laDki jis se hum ko wafa ki umid thi

ghurbat hamari dekh ke maghrur ho gai

jis din se tum ne rakkha hai dahliz par qadam

har raat zindagani ki pur-nur ho gai

shahnaiyan si bajne lagin mere zehn mein

dekha jo un ko jaan meri masrur ho gai

pahli nazar mein 'ishq-girafta hua tha dil

phir yun hua ki zindagi bharpur ho gai

dekhi jo aaj main ne teri be-ruKHi 'KHatib'

meri zaban bhi tanz pe majbur ho gai