یوں بھی دل بے قرار ہوتا ہے

یوں بھی دل بے قرار ہوتا ہے

عشق مثل بخار ہوتا ہے

میرا حافظ نجانے کیوں مجھ پر

تیغ لے کر سوار ہوتا ہے

جانے کیسا یہ باغ ہے کہ یہاں

ایک اک پھول خار ہوتا ہے

ہم کو برباد کر گیا لیکن

ہم کو اس سے ہی پیار ہوتا ہے

آ کے مجھ سے ہی مانگتا ہے ادھار

جس پہ میرا ادھار ہوتا ہے

ہو گئیں پوری خواہشات مری

دل مگر بے قرار ہوتا ہے

میرا دشمن بھی میرے مرنے پر

جانے کیوں سوگوار ہوتا ہے

جھوٹ کہتے ہیں آپ پھر بھی مگر

آپ کا اعتبار ہوتا ہے

اب یہ انسانیت کا عالم ہے

اس کو مار اس کو مار ہوتا ہے

عشق کی تیز دھار سے ہر روز

مستقل مجھ پہ وار ہوتا ہے