yun bhi dil be-qarar hota hai

yuuñ bhī dil be-qarār hotā hai

'ishq misl-e-buḳhār hotā hai

merā hāfiz na-jāne kyoñ mujh par

teġh lekar savār hotā hai

jaane kaisā ye baaġh hai ki yahāñ

ek ik phuul ḳhaar hotā hai

ham ko barbād kar gayā lekin

ham ko us se hī pyaar hotā hai

aa ke mujh se hī māñgtā hai udhār

jis pe merā udhār hotā hai

ho ga.iiñ puurī ḳhvāhishāt mirī

dil magar be-qarār hotā hai

merā dushman bhī mere marne par

jaane kyoñ sogvār hotā hai

jhuuT kahte haiñ aap phir bhī magar

aap kā e'tibār hotā hai

ab ye insāniyat kā 'ālam hai

is ko maar us ko maar hotā hai

'ishq kī tez dhaar se har roz

mustaqil mujh pe vaar hotā hai

yun bhi dil be-qarar hota hai

'ishq misl-e-buKHar hota hai

mera hafiz na-jaane kyon mujh par

tegh lekar sawar hota hai

jaane kaisa ye bagh hai ki yahan

ek ek phul KHar hota hai

hum ko barbaad kar gaya lekin

hum ko us se hi pyar hota hai

aa ke mujh se hi mangta hai udhaar

jis pe mera udhaar hota hai

ho gain puri KHwahishat meri

dil magar be-qarar hota hai

mera dushman bhi mere marne par

jaane kyon sogwar hota hai

jhuT kahte hain aap phir bhi magar

aap ka e'tibar hota hai

ab ye insaniyat ka 'alam hai

is ko mar us ko mar hota hai

'ishq ki tez dhaar se har roz

mustaqil mujh pe war hota hai