yun bhi hum marka-e-umr-e-rawan se guzre

yuuñ bhī ham ma.arka-e-umr-e-ravāñ se guzre

ik jahāñ zer kiyā ek jahāñ se guzre

ab tire dard ko har tarah kī āzādī hai

yā mire dil meñ rahe yā rag-e-jāñ se guzre

haif-sad-haif ki ik dil meñ jagah ko tarse

vo nazar anjuman-e-kaun-o-makāñ se guzre

ham se baḌh kar koī shāyān-e-chaman kyā hogā

ham bahāroñ meñ rahe daur-e-ḳhizāñ se guzre

ġham ke tūfāñ se guzarnā bhī hai āsāñ 'afsūñ'

dil agar kashmakash-e-sūd-o-ziyāñ se guzre

yun bhi hum marka-e-umr-e-rawan se guzre

ek jahan zer kiya ek jahan se guzre

ab tere dard ko har tarah ki aazadi hai

ya mere dil mein rahe ya rag-e-jaan se guzre

haif-sad-haif ki ek dil mein jagah ko tarse

wo nazar anjuman-e-kaun-o-makan se guzre

hum se baDh kar koi shayan-e-chaman kya hoga

hum bahaaron mein rahe daur-e-KHizan se guzre

gham ke tufan se guzarna bhi hai aasan 'afsun'

dil agar kashmakash-e-sud-o-ziyan se guzre