yun bhi mera bayan alag hai kuchh
yuuñ bhī merā bayāñ alag hai kuchh
kyūñki merī zabāñ alag hai kuchh
āḳhirī baar jal rahā huuñ kyā
ab ke merā dhuāñ alag hai kuchh
sirf shakleñ hī haiñ alag varna
tujhmeñ mujh meñ kahāñ alag hai kuchh
jā ki tujh ko muaaf karte haiñ
ranj-e-duniyā yahāñ alag hai kuchh
kholnī hai zabāñ qalam kī aaj
dil meñ uThtī fuġhāñ alag hai kuchh
ham haiñ munkir to kyuuñ kareñ sajda
kyā tirā āstāñ alag hai kuchh
yun bhi mera bayan alag hai kuchh
kyunki meri zaban alag hai kuchh
aaKHiri bar jal raha hun kya
ab ke mera dhuan alag hai kuchh
sirf shaklen hi hain alag warna
tujhmen mujh mein kahan alag hai kuchh
ja ki tujh ko muaf karte hain
ranj-e-duniya yahan alag hai kuchh
kholni hai zaban qalam ki aaj
dil mein uThti fughan alag hai kuchh
hum hain munkir to kyun karen sajda
kya tera aastan alag hai kuchh
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
