yun bhi to teri rah ki diwar nahin hain
yuuñ bhī to tirī raah kī dīvār nahīñ haiñ
ham husn-e-talab ishq ke bīmār nahīñ haiñ
yā tujh ko nahīñ qadr ham-āshufta-saroñ kī
yā ham hī mohabbat ke sazā-vār nahīñ haiñ
kyā hāsil-e-kār-e-ġham-e-ulfat hai ki majnūñ
ab dasht-navardī ko bhī tayyār nahīñ haiñ
aksar mire sheroñ kī sanā karte rahe haiñ
vo log jo ġhālib ke taraf-dār nahīñ haiñ
ab tujh ko salām ai ġham-e-jānāñ ki jahāñ meñ
kyā ham se dīvānoñ ke ḳharīdār nahīñ haiñ
phir tujh se judā ho ke kahīñ ḳhud se bichhaḌ jaa.eñ
ham log kuchh aise bhī dil-āzār nahīñ haiñ
yun bhi to teri rah ki diwar nahin hain
hum husn-e-talab ishq ke bimar nahin hain
ya tujh ko nahin qadr ham-ashufta-saron ki
ya hum hi mohabbat ke saza-war nahin hain
kya hasil-e-kar-e-gham-e-ulfat hai ki majnun
ab dasht-nawardi ko bhi tayyar nahin hain
aksar mere sheron ki sana karte rahe hain
wo log jo ghaalib ke taraf-dar nahin hain
ab tujh ko salam ai gham-e-jaanan ki jahan mein
kya hum se diwanon ke KHaridar nahin hain
phir tujh se juda ho ke kahin KHud se bichhaD jaen
hum log kuchh aise bhi dil-azar nahin hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
