yun hi guzre na raat KHushiyon ki

yuuñ hī guzre na raat ḳhushiyoñ kī

kuchh to kar ham se baat ḳhushiyoñ kī

thaam lo tum ḳhushī ke dāman ko

muḳhtasar hai hayāt ḳhushiyoñ kī

chhoḌ kar ġham ke tazkire saare

aao chheḌeñge baat ḳhushiyoñ kī

ġham na aa.e tumhārī qismat meñ

gar nikālo zakāt ḳhushiyoñ kī

maiñ ne apnoñ pe e'timād kiyā

luT ga.ī kā.enāt ḳhushiyoñ kī

jiinā sīkho har ek lamhe ko

ġham lagā.e haiñ ghaat ḳhushiyoñ kī

haq-pasandī hai bas matā-e-hayāt

hai yahī kā.enāt ḳhushiyoñ kī

jā ke fārāñ pe dekhnā 'hassān'

ik hasīñ kā.enāt ḳhushiyoñ kī

yun hi guzre na raat KHushiyon ki

kuchh to kar hum se baat KHushiyon ki

tham lo tum KHushi ke daman ko

muKHtasar hai hayat KHushiyon ki

chhoD kar gham ke tazkire sare

aao chheDenge baat KHushiyon ki

gham na aae tumhaari qismat mein

gar nikalo zakat KHushiyon ki

main ne apnon pe e'timad kiya

luT gai kaenat KHushiyon ki

jina sikho har ek lamhe ko

gham lagae hain ghat KHushiyon ki

haq-pasandi hai bas mata-e-hayat

hai yahi kaenat KHushiyon ki

ja ke faran pe dekhna 'hassan'

ek hasin kaenat KHushiyon ki