yun hi hum dard apna kho rahe hain
yuuñ hī ham dard apnā kho rahe haiñ
yahī ronā hai ham kyuuñ ro rahe haiñ
qayāmat-ḳhvāb se āñkheñ khulī thiiñ
phir āñkheñ khol kar ham so rahe haiñ
bahut zarḳhez sailāb-e-balā thā
yahāñ ab ḳhuub fasleñ bo rahe haiñ
havā-e-vasl ne vo ḳhaak uḌaa.ī
abhī tak haath muñh ham dho rahe haiñ
diye saare badan meñ tairte haiñ
kyuuñ itnā paanī paanī ho rahe haiñ
bahut rāhat-rasāñ hai ḳhauf-e-jāñ bhī
sulagtī rut meñ ThanDe ho rahe haiñ
yun hi hum dard apna kho rahe hain
yahi rona hai hum kyun ro rahe hain
qayamat-KHwab se aankhen khuli thin
phir aankhen khol kar hum so rahe hain
bahut zarKHez sailab-e-bala tha
yahan ab KHub faslen bo rahe hain
hawa-e-wasl ne wo KHak uDai
abhi tak hath munh hum dho rahe hain
diye sare badan mein tairte hain
kyun itna pani pani ho rahe hain
bahut rahat-rasan hai KHauf-e-jaan bhi
sulagti rut mein ThanDe ho rahe hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
