yun ibtila-e-bar-e-digar ka pata chala

yuuñ ibtilā-e-bār-e-digar kā pata chalā

manzil pe jā ke agle safar kā pata chalā

ham mahfil-e-hayāt meñ shab bhar jalā kiye

jab sham.a gul huī to sahar kā pata chalā

har saañs us ke qadmoñ kī aahaT se naġhma-rez

har aan us kī rāhguzar kā pata chalā

maqtal meñ bhī sabhoñ se alag apnī aan thī

dastār se hī logoñ ko sar kā pata chalā

sahrā-e-jism meñ thā sarāboñ kā silsila

'hālī' kuchh ab fareb-e-nazar kā pata chalā

yun ibtila-e-bar-e-digar ka pata chala

manzil pe ja ke agle safar ka pata chala

hum mahfil-e-hayat mein shab bhar jala kiye

jab shama gul hui to sahar ka pata chala

har sans us ke qadmon ki aahaT se naghma-rez

har aan us ki rahguzar ka pata chala

maqtal mein bhi sabhon se alag apni aan thi

dastar se hi logon ko sar ka pata chala

sahra-e-jism mein tha sarabon ka silsila

'haali' kuchh ab fareb-e-nazar ka pata chala