yun jo DhunDo to yahan shahr mein anqa nikle
yun jo DhunDo to yahan shahr mein anqa nikle
Rajab Ali Beg Suroor
MORE BYRajab Ali Beg Suroor
yuuñ jo DhūñDo to yahāñ shahr meñ 'anqā nikle
chāhne vaalā jo chāho to nā-aslā nikle
jī meñ hai chiir ke siina maiñ nikālūñ dil ko
tā kisī Dhab se to pahlū kā ye kāñTā nikle
maraz-e-ishq ye mohlik hai ki us ke Dar se
charḳh-e-chārum ye jo DhūñDo to masīhā nikle
hai yaqīñ gor pe gar merī to aa jaave kabhī
diid ko terī mirā qabr se murdā nikle
jāñ-kanī meñ hai taḌaptā dil-e-betāb 'surūr'
mere 'iisā se kaho yaañ bhī kabhī aa nikle
yun jo DhunDo to yahan shahr mein 'anqa nikle
chahne wala jo chaho to na-asla nikle
ji mein hai chir ke sina main nikalun dil ko
ta kisi Dhab se to pahlu ka ye kanTa nikle
maraz-e-ishq ye mohlik hai ki us ke Dar se
charKH-e-chaarum ye jo DhunDo to masiha nikle
hai yaqin gor pe gar meri to aa jawe kabhi
did ko teri mera qabr se murda nikle
jaan-kani mein hai taDapta dil-e-betab 'surur'
mere 'isa se kaho yan bhi kabhi aa nikle
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
