yun mil rahe hain jaise mohabbat na thi kabhi
yuuñ mil rahe haiñ jaise mohabbat na thī kabhī
aisī bhī aa.ī ham pe qayāmat na thī kabhī
tum duur kyā rahe ki mohabbat bhī siikh lī
har ġham ko sah bhī jaane kī 'ādat na thī kabhī
ham ne junūñ ke zor pe qaabū sā pā liyā
aisā kiyā hai zabt ki vahshat na thī kabhī
dīvāngī ne naam ke charche bhī kar diye
itnī to tere husn kī shohrat na thī kabhī
'nāsir' ne ashk pī ke ye mahsūs kar liyā
aisī kisī sharāb meñ lazzat na thī kabhī
yun mil rahe hain jaise mohabbat na thi kabhi
aisi bhi aai hum pe qayamat na thi kabhi
tum dur kya rahe ki mohabbat bhi sikh li
har gham ko sah bhi jaane ki 'adat na thi kabhi
hum ne junun ke zor pe qabu sa pa liya
aisa kiya hai zabt ki wahshat na thi kabhi
diwangi ne nam ke charche bhi kar diye
itni to tere husn ki shohrat na thi kabhi
'nasir' ne ashk pi ke ye mahsus kar liya
aisi kisi sharab mein lazzat na thi kabhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
