yun na barbaad ho KHuda koi

yuuñ na barbād ho ḳhudā koī

hāl-e-dil sun ke ro diyā koī

aañkh se kyoñ Tapak paḌā aañsū

dil kā TuuTā hai aabla koī

dard-e-dil hai bahut hī jān-gusil

dard-e-dil kī nahīñ davā koī

koī tadbīr ban nahīñ paatī

kaam kartī nahīñ duā koī

us kī ḳhafagī kī jab ḳhabar aa.ī

jaan se ho gayā ḳhafā koī

rasm duniyā kī ye purānī hai

bevafā hai to bā-vafā koī

ishq ke marhale kaThin haiñ bahut

ho sakā tai na marhala koī

rāh-e-ulfat bahut hai pechīda

ibtidā hai na intihā koī

maiñ mohabbat meñ jaan de dūñgā

mujh pe kartā rahe jafā koī

ḳhanjar-e-chashm pe hai naaz use

ḳhūn-e-dil meñ nahā gayā koī

airoñ ġhairoñ pe hai nigāh-e-karam

hai na 'arshad' se vāsta koī

yun na barbaad ho KHuda koi

haal-e-dil sun ke ro diya koi

aankh se kyon Tapak paDa aansu

dil ka TuTa hai aabla koi

dard-e-dil hai bahut hi jaan-gusil

dard-e-dil ki nahin dawa koi

koi tadbir ban nahin pati

kaam karti nahin dua koi

us ki KHafagi ki jab KHabar aai

jaan se ho gaya KHafa koi

rasm duniya ki ye purani hai

bewafa hai to ba-wafa koi

ishq ke marhale kaThin hain bahut

ho saka tai na marhala koi

rah-e-ulfat bahut hai pechida

ibtida hai na intiha koi

main mohabbat mein jaan de dunga

mujh pe karta rahe jafa koi

KHanjar-e-chashm pe hai naz use

KHun-e-dil mein naha gaya koi

airon ghairon pe hai nigah-e-karam

hai na 'arshad' se wasta koi