yun na mujhko pyar se lillah dekho bar bar

yuuñ na mujh ko pyaar se lillāh dekho baar baar

ye adā to aur bhī kartī haiñ dil ko be-qarār

va.ada kar ke bhī na tum aao tumhārā iḳhtiyār

ham kareñge rāt-din phir bhī tumhārā intizār

guftugū mīThī diloñ meñ buġhz niyyat meñ fasād

kījiye kyā ḳhaak duniyā meñ kisī kā e.atibār

lo ḳhudā-hāfiz mire hosh-o-ḳhirad kā dosto

phuul phir khilne lage phir aa ga.ī fasl-e-bahār

ham to jab jāneñ ki kaam aa.e musībat meñ koī

varna yuuñ kahne ko duniyā meñ haiñ lākhoñ jāñ-nisār

chand roza aadmī kī zindagī kā ham-nashīñ

koī bhī pahlū nazar aaya na mujh ko pā.edār

ham to aksar ḳhuun ro.e haiñ javānī meñ 'naresh'

aur hoñge jin ke hai ahd-e-javānī sāzgār

yun na mujh ko pyar se lillah dekho bar bar

ye ada to aur bhi karti hain dil ko be-qarar

wada kar ke bhi na tum aao tumhaara iKHtiyar

hum karenge raat-din phir bhi tumhaara intizar

guftugu miThi dilon mein bughz niyyat mein fasad

kijiye kya KHak duniya mein kisi ka eatibar

lo KHuda-hafiz mere hosh-o-KHirad ka dosto

phul phir khilne lage phir aa gai fasl-e-bahaar

hum to jab jaanen ki kaam aae musibat mein koi

warna yun kahne ko duniya mein hain lakhon jaan-nisar

chand roza aadmi ki zindagi ka ham-nashin

koi bhi pahlu nazar aaya na mujh ko paedar

hum to aksar KHun roe hain jawani mein 'naresh'

aur honge jin ke hai ahd-e-jawani sazgar