yun naqab-e-ruKH muqabil se uThi

yuuñ naqāb-e-ruḳh muqābil se uThī

chashm-e-sad-nazzāra mushkil se uThī

bāzgasht-e-shor-e-ġharqābī sahī

koī to āvāz sāhil se uThī

qāfile haiñ kitne darmāñda ḳhirām

gard rāhoñ se na manzil se uThī

thaam kar dil kyā uThe arbāb-e-dard

ik qayāmat terī mahfil se uThī

sar se bhī guzrī hai tūfāñ kī tarah

jab bhī koī mauj-e-ḳhūñ dil se uThī

chashm-e-nazzāra se mānind-e-hijāb

tohmat-e-nazzāra mushkil se uThī

yun naqab-e-ruKH muqabil se uThi

chashm-e-sad-nazzara mushkil se uThi

bazgasht-e-shor-e-gharqabi sahi

koi to aawaz sahil se uThi

qafile hain kitne darmanda KHiram

gard rahon se na manzil se uThi

tham kar dil kya uThe arbab-e-dard

ek qayamat teri mahfil se uThi

sar se bhi guzri hai tufan ki tarah

jab bhi koi mauj-e-KHun dil se uThi

chashm-e-nazzara se manind-e-hijab

tohmat-e-nazzara mushkil se uThi