yun shor-o-shar ke sare talabgar so gae

yuuñ shor-o-shar ke saare talabgār so ga.e

sannāTe chīḳhne lage bāzār so ga.e

palkoñ pe bojh ban ga.iiñ jab din kī raunaqeñ

āñkhoñ meñ bhar ke ḳhvāb girāñ-bār so ga.e

dīvār-o-dar bhī apnī marammat se tañg the

gir jaa.e ab makān ki me.amār so ga.e

sūraj ke saath tū bhī lahū ro ke Duub jā

ai shām-e-hijr tere parastār so ga.e

'ash.har' kisī ke qurb-e-havasnāk se ġharaz

apnā bhī dil thā bhīñch ke ik baar so ga.e

yun shor-o-shar ke sare talabgar so gae

sannaTe chiKHne lage bazar so gae

palkon pe bojh ban gain jab din ki raunaqen

aankhon mein bhar ke KHwab giran-bar so gae

diwar-o-dar bhi apni marammat se tang the

gir jae ab makan ki meamar so gae

suraj ke sath tu bhi lahu ro ke Dub ja

ai sham-e-hijr tere parastar so gae

'ashhar' kisi ke qurb-e-hawasnak se gharaz

apna bhi dil tha bhinch ke ek bar so gae