yun sisakta mujhe tum chhoD na jao aao

yuuñ sisaktā mujhe tum chhoḌ na jaao aao

āḳhirī vaqt hai ai jān-e-man aao aao

sohbat-e-lutf meñ lo naam na ġhairoñ kā kabhī

dil meñ āshiq ke na tum aag lagāo aao

be-bane hī bahutoñ ko hai bigāḌā is ne

apnī kākul ko bahut ab na banāo aao

pī bhī lo rahne do kausar kī kahānī zāhid

aisī be-par kī na yāroñ se uḌaao aao

'kaifī' chhoḌo bhī kahīñ kū-e-butāñ kī ye dhun

chain ārām dil-o-dīñ na gañvāo aao

yun sisakta mujhe tum chhoD na jao aao

aaKHiri waqt hai ai jaan-e-man aao aao

sohbat-e-lutf mein lo nam na ghairon ka kabhi

dil mein aashiq ke na tum aag lagao aao

be-bane hi bahuton ko hai bigaDa is ne

apni kakul ko bahut ab na banao aao

pi bhi lo rahne do kausar ki kahani zahid

aisi be-par ki na yaron se uDao aao

'kaifi' chhoDo bhi kahin ku-e-butan ki ye dhun

chain aaram dil-o-din na ganwao aao