yun taraqqi ka hamein sapna dikhaya ja raha hai

yuuñ taraqqī kā hameñ sapnā dikhāyā jā rahā hai

gaañv chupke se amīroñ ko luTāyā jā rahā hai

aaj har āvāz ko aise dabāyā jā rahā hai

kah ke dahshat-gard haiñ ḳhatra batāyā jā rahā hai

ham bahut ḳhush haiñ hamāre gaañv tum rahne do aise

shahr in ko kyoñ zabardastī banāyā jā rahā hai

hindū muslim sikh isaa.ī barsoñ se haiñ saath rahte

bhaa.ī ko phir bhaa.ī se ab kyoñ laḌāyā jā rahā hai

kyoñ hamārī hastī ko hai bārhā lalkārā jaatā

kyā vajah hai kyoñ hamārā ḳhuuñ bahāyā jā rahā hai

zindagī hai pyārī sab ko shauq se hai kaun martā

koī to majbūrī hai jo zahr khāyā jā rahā hai

fikr un ko hai hamārī ye kahā jaatā hai qāsid

kyoñ binā pūchhe ye phir qānūn laayā jā rahā hai

yun taraqqi ka hamein sapna dikhaya ja raha hai

ganw chupke se amiron ko luTaya ja raha hai

aaj har aawaz ko aise dabaya ja raha hai

kah ke dahshat-gard hain KHatra bataya ja raha hai

hum bahut KHush hain hamare ganw tum rahne do aise

shahr in ko kyon zabardasti banaya ja raha hai

hindu muslim sikh isai barson se hain sath rahte

bhai ko phir bhai se ab kyon laDaya ja raha hai

kyon hamari hasti ko hai barha lalkara jata

kya wajah hai kyon hamara KHun bahaya ja raha hai

zindagi hai pyari sab ko shauq se hai kaun marta

koi to majburi hai jo zahr khaya ja raha hai

fikr un ko hai hamari ye kaha jata hai qasid

kyon bina puchhe ye phir qanun laya ja raha hai