یوں تھا کہ ہر خطائے من و تو محال تھی

یوں تھا کہ ہر خطائے من و تو محال تھی

دل کے بلال کی وہ اذان وصال تھی

یادیں سلگ اٹھی تھیں کسی دشت کی طرح

سینے میں میرے کیسی ہوائے ملال تھی

درویش اپنی دھن میں حدوں سے نکل گیا

خلق خدا میں بحث عروج و زوال تھی

اس بار ابر یار بہت مہرباں رہا

اس بار کشت ہجر میں فصل وصال تھی

اک شب کہ تھی عنایت بود و نبود عشق

اک روشنی کہ میرے سخن کا مآل تھی

عالم پناہ آپ کی نسبت سوال تھا

سرکار جو عطا تھی مرے حسب حال تھی