yun tha ki har KHata-e-man-o-tu muhaal thi

yuuñ thā ki har ḳhatā-e-man-o-tū muhāl thī

dil ke bilāl kī vo azān-e-visāl thī

yādeñ sulag uThī thiiñ kisī dasht kī tarah

siine meñ mere kaisī havā-e-malāl thī

darvesh apnī dhun meñ hadoñ se nikal gayā

ḳhalq-e-ḳhudā meñ bahs-e-urūj-o-zavāl thī

is baar abr-e-yār bahut mehrbāñ rahā

is baar kisht-e-hijr meñ fasl-e-visāl thī

ik shab ki thī 'ināyat-e-būd-o-nabūd-e-'ishq

ik raushnī ki mere suḳhan kā ma.aal thī

ālam-panāh aap kī nisbat savāl thā

sarkār jo 'atā thī mire hasb-e-hāl thī

yun tha ki har KHata-e-man-o-tu muhaal thi

dil ke bilal ki wo azan-e-visal thi

yaaden sulag uThi thin kisi dasht ki tarah

sine mein mere kaisi hawa-e-malal thi

darwesh apni dhun mein hadon se nikal gaya

KHalq-e-KHuda mein bahs-e-uruj-o-zawal thi

is bar abr-e-yar bahut mehrban raha

is bar kisht-e-hijr mein fasl-e-visal thi

ek shab ki thi 'inayat-e-bud-o-nabud-e-'ishq

ek raushni ki mere suKHan ka maal thi

aalam-panah aap ki nisbat sawal tha

sarkar jo 'ata thi mere hasb-e-haal thi