yun teri chap se tahrik-e-safar TuTti hai
yuuñ tirī chaap se tahrīk-e-safar TūTtī hai
jaise palkoñ ke jhapakne se nazar TūTtī hai
bojh ashkoñ kā uThā letī haiñ palkeñ merī
phuul ke vazn se kab shāḳh-e-shajar TūTtī hai
zindagī jism ke zindāñ meñ ye sāñsoñ kī salīb
ham se toḌī nahīñ jaatī hai magar TūTtī hai
koī jugnū koī taara nahīñ lagtā raushan
zulmat-e-shab meñ jab ummīd-e-sahar TūTtī hai
kitne andeshoñ kī kircheñ sī bikhar jaatī haiñ
ek chauḌī bhī kalā.ī se agar TūTtī hai
ab sivā neze pe sūraj nahīñ aatā hai 'salīm'
ab qayāmat bhī ba-andāz-e-digar TūTtī hai
yun teri chap se tahrik-e-safar TuTti hai
jaise palkon ke jhapakne se nazar TuTti hai
bojh ashkon ka uTha leti hain palken meri
phul ke wazn se kab shaKH-e-shajar TuTti hai
zindagi jism ke zindan mein ye sanson ki salib
hum se toDi nahin jati hai magar TuTti hai
koi jugnu koi tara nahin lagta raushan
zulmat-e-shab mein jab ummid-e-sahar TuTti hai
kitne andeshon ki kirchen si bikhar jati hain
ek chauDi bhi kalai se agar TuTti hai
ab siwa neze pe suraj nahin aata hai 'salim'
ab qayamat bhi ba-andaz-e-digar TuTti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
