yun teri yaad mein kho gae

yuuñ tirī yaad meñ kho ga.e

ham the kyā aur kyā ho ga.e

ik na.ī sub.h kā ḳhvāb ham

dekhte dekhte so ga.e

shahd kī fasl se kyā gila

zahr to aap ham bo ga.e

āḳhir-e-shab mire ashk-e-ġham

dāġh-e-qalb-o-jigar dho ga.e

kitne 'fāḳhir' mire sāmne

kyā se kyā kyā se kyā ho ga.e

yun teri yaad mein kho gae

hum the kya aur kya ho gae

ek nai subh ka KHwab hum

dekhte dekhte so gae

shahd ki fasl se kya gila

zahr to aap hum bo gae

aaKHir-e-shab mere ashk-e-gham

dagh-e-qalb-o-jigar dho gae

kitne 'faKHir' mere samne

kya se kya kya se kya ho gae