yun to aashiq tera zamana hua
yuuñ to āshiq tirā zamāna huā
mujh sā jāñ-bāz dūsrā na huā
ḳhud-ba-ḳhud bū-e-yār phail ga.ī
koī minnat-kash-e-sabā na huā
maiñ giraftār-e-ulfat-e-sayyād
daam se chhuT ke bhī rihā na huā
ḳhabar us be-ḳhabar kī lā detī
tujh se itnā bhī ai sabā na huā
un se arz-e-karam to kyā karte
ham se ḳhud shikva-e-jafā na huā
ho ke be-ḳhud kalām-e-hasrat se
aaj 'ġhālib' ġhazal sarā na huā
yun to aashiq tera zamana hua
mujh sa jaan-baz dusra na hua
KHud-ba-KHud bu-e-yar phail gai
koi minnat-kash-e-saba na hua
main giraftar-e-ulfat-e-sayyaad
dam se chhuT ke bhi riha na hua
KHabar us be-KHabar ki la deti
tujh se itna bhi ai saba na hua
un se arz-e-karam to kya karte
hum se KHud shikwa-e-jafa na hua
ho ke be-KHud kalam-e-hasrat se
aaj 'ghaalib' ghazal sara na hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
