yun to ahbab ko sab achchha nazar aaega

yuuñ to ahbāb ko sab achchhā nazar aa.egā

koī muflis koī darmāñda nazar aa.egā

phir tumheñ merī aziyyat kī samajh aa.egī

jab koī ḳhvāb tumheñ aadhā nazar aa.egā

chauk se sīdhī galī ghar kī taraf jaatī hai

moḌ muḌte hī vo darvāza nazar aa.egā

tum mirī aañkh se duniyā ko agar dekhoge

phir mohabbat meñ bhī ḳhamyāza nazar aa.egā

chāñdnī raat meñ kuchh pariyāñ vahāñ aatī haiñ

dekhne ke liye shahzāda nazar aa.egā

dekhte rahnā ki ab maiñ ne safar karnā hai

dekhne vāloñ ko ik saaya nazar aa.egā

apnī āñkhoñ ko chhalakne nahīñ denā 'ārib'

ek darvesh tumheñ pyāsā nazar aa.egā

yun to ahbab ko sab achchha nazar aaega

koi muflis koi darmanda nazar aaega

phir tumhein meri aziyyat ki samajh aaegi

jab koi KHwab tumhein aadha nazar aaega

chauk se sidhi gali ghar ki taraf jati hai

moD muDte hi wo darwaza nazar aaega

tum meri aankh se duniya ko agar dekhoge

phir mohabbat mein bhi KHamyaza nazar aaega

chandni raat mein kuchh pariyan wahan aati hain

dekhne ke liye shahzada nazar aaega

dekhte rahna ki ab main ne safar karna hai

dekhne walon ko ek saya nazar aaega

apni aankhon ko chhalakne nahin dena 'arib'

ek darwesh tumhein pyasa nazar aaega