yun to haji bhi tha mulla bhi tha wo pir bhi tha

yuuñ to haajī bhī thā mullā bhī thā vo piir bhī thā

misal-e-sā.īs magar terā ināñ-gīr bhī thā

saiñkaḌoñ tarah kī chīzeñ thiiñ dinner meñ lekin

ye to farmā.eñ vahāñ qīma-e-ḳhinzīr bhī thā

yuuñ to mizhgāñ ke kaTāroñ se musallah the sabhī

māh-vash un meñ koī dast-ba-shamshīr bhī thā

merī hī aañkh kā tinkā nazar aayā sab ko

varna kuchh logoñ kī āñkhoñ meñ to shahtīr bhī thā

paḌh ke collage meñ bhī masjid kī imāmat hī milī

is meñ kuchh shā.iba-e-ḳhūbī-e-taqdīr bhī thā

na huā hāshim-e-ayyār ke dil meñ sūrāḳh

ai shikārī tire tarkash meñ koī tiir bhī thā

yun to haji bhi tha mulla bhi tha wo pir bhi tha

misal-e-sais magar tera inan-gir bhi tha

sainkaDon tarah ki chizen thin dinner mein lekin

ye to farmaen wahan qima-e-KHinzir bhi tha

yun to mizhgan ke kaTaron se musallah the sabhi

mah-wash un mein koi dast-ba-shamshir bhi tha

meri hi aankh ka tinka nazar aaya sab ko

warna kuchh logon ki aankhon mein to shahtir bhi tha

paDh ke collage mein bhi masjid ki imamat hi mili

is mein kuchh shaiba-e-KHubi-e-taqdir bhi tha

na hua hashim-e-ayyar ke dil mein suraKH

ai shikari tere tarkash mein koi tir bhi tha