یوں تو ہونے کو اور کیا نہ ہوا

یوں تو ہونے کو اور کیا نہ ہوا

کوئی بندہ مگر خدا نہ ہوا

کسی کا ہم سے گر بھلا نہ ہوا

تو یہی کم ہے کیا برا نہ ہوا

سر جھکائیں کسی کے آگے کیوں

سجدۂ بندہ جب روا نہ ہوا

جو نکل جائیں آستیں کے سانپ

ہاتھ میں اپنے وہ عصا نہ ہوا

شعلۂ برق سرد جس نے کیے

نذر آتش وہ آشیانہ ہوا

تا دم مرگ طائر ہستی

دام اندوہ سے رہا نہ ہوا

یوں تو طاعت میں زندگی گزری

دل مگر اپنا پارسا نہ ہوا

حاصل بندگی جو ہو مقصودؔ

سجدہ ایسا کوئی ادا نہ ہوا