yun to is bazm mein apne bhi hain begane bhi
yuuñ to is bazm meñ apne bhī haiñ begāne bhī
lekin ab dekhiye koī hameñ pahchāne bhī
āshnā raah meñ katrā ke guzar jaate haiñ
apne hī shahr meñ ham ho ga.e anjāne bhī
ab kahāñ jaa.eñ ki us se bhī ta.alluq na rahā
apnā ghar yaad nahīñ band haiñ maiḳhāne bhī
fikr-e-dāmāñ hai na kuchh jaib-o-garebāñ kī ḳhabar
kitne ārām se haiñ aap ke dīvāne bhī
yuuñ ta.āruf na sahī aap se lekin 'shāhid'
sunte aa.e haiñ bahut aap ke afsāne bhī
yun to is bazm mein apne bhi hain begane bhi
lekin ab dekhiye koi hamein pahchane bhi
aashna rah mein katra ke guzar jate hain
apne hi shahr mein hum ho gae anjaane bhi
ab kahan jaen ki us se bhi talluq na raha
apna ghar yaad nahin band hain maiKHane bhi
fikr-e-daman hai na kuchh jaib-o-gareban ki KHabar
kitne aaram se hain aap ke diwane bhi
yun taaruf na sahi aap se lekin 'shahid'
sunte aae hain bahut aap ke afsane bhi
- Book : Naqd-e-jan (Pg. 20)
- Author : Shahid Akhtar
- Publication : madhya pradesh urdu academy Bhopal (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
