yun to kahne ke liye subh ke aasar bhi the

yuuñ to kahne ke liye sub.h ke āsār bhī the

maiñ rahā chup ki mire sāmne kohsār bhī the

ḳhauf se chīḳhne vāloñ meñ akelā maiñ thā

log sahme hue lekin pas-e-dīvār bhī the

tez āñdhī meñ faqat ham gire aisā to nahīñ

duur tak raah meñ ukhḌe hue ashjār bhī the

umr bhar jis kī talab ne rakhā mahsūr hameñ

ham hī us shahr-e-tilismāt ke me.amār bhī the

thā hamīñ se kabhī tahzīb-o-tamaddun kā vaqār

ham kabhī shāḳh-e-gul-e-tar kabhī talvār bhī the

yun to kahne ke liye subh ke aasar bhi the

main raha chup ki mere samne kohsar bhi the

KHauf se chiKHne walon mein akela main tha

log sahme hue lekin pas-e-diwar bhi the

tez aandhi mein faqat hum gire aisa to nahin

dur tak rah mein ukhDe hue ashjar bhi the

umr bhar jis ki talab ne rakha mahsur hamein

hum hi us shahr-e-tilismat ke meamar bhi the

tha hamin se kabhi tahzib-o-tamaddun ka waqar

hum kabhi shaKH-e-gul-e-tar kabhi talwar bhi the