yun to kahne ko ek qatra hun

yuuñ to kahne ko ek qatra huuñ

sach to ye hai ki juzv-e-daryā huuñ

allah allah ye merī tishna-labī

maiñ samundar bhī pī ke pyāsā huuñ

husn hī husn hai jidhar dekho

sarhad-e-ishq lāñgh aaya huuñ

ġham agar hai to bas mujhe ye hai

rah ke apnoñ meñ bhī parāyā huuñ

ham-nashīñ mujh se hāl-e-zār na pūchh

ban ke nañg-e-vajūd aaya huuñ

jis ko apnā vatan na raas aaya

maiñ vo sābarmatī kā beTā huuñ

zarre zarre meñ terā jalva hai

qatra qatra maiñ tujh ko paayā huuñ

terī hī aarzū meñ jiitā huuñ

terī hī justujū meñ martā huuñ

zindagī apnī dhuup chhāñv 'samī.a'

gaah hañstā huuñ gaah rotā huuñ

yun to kahne ko ek qatra hun

sach to ye hai ki juzw-e-darya hun

allah allah ye meri tishna-labi

main samundar bhi pi ke pyasa hun

husn hi husn hai jidhar dekho

sarhad-e-ishq langh aaya hun

gham agar hai to bas mujhe ye hai

rah ke apnon mein bhi paraya hun

ham-nashin mujh se haal-e-zar na puchh

ban ke nang-e-wajud aaya hun

jis ko apna watan na ras aaya

main wo sabarmati ka beTa hun

zarre zarre mein tera jalwa hai

qatra qatra main tujh ko paya hun

teri hi aarzu mein jita hun

teri hi justuju mein marta hun

zindagi apni dhup chhanw 'samia'

gah hansta hun gah rota hun