yun to mera safar tha sahra tak

yuuñ to merā safar thā sahrā tak

pyaas le aa.ī mujh ko dariyā tak

aa.ina sā use banāne meñ

bhuul baiThā maiñ apnā chehra tak

ānā-jānā hai ab bhī sāñsoñ kā

kar liyā zindagī se jhagḌā tak

aap manzil kī chhoḌiye sāhab

maiñ ne Thukrā diyā hai rasta tak

nazr maiñ ne kiyā hai manzar ko

āñkhoñ ke baad ab kaleja tak

yun to mera safar tha sahra tak

pyas le aai mujh ko dariya tak

aaina sa use banane mein

bhul baiTha main apna chehra tak

aana-jaana hai ab bhi sanson ka

kar liya zindagi se jhagDa tak

aap manzil ki chhoDiye sahab

main ne Thukra diya hai rasta tak

nazr main ne kiya hai manzar ko

aankhon ke baad ab kaleja tak