yun to pichhle sal ka mausam bhi kuchh achchha na tha

yuuñ to pichhle saal kā mausam bhī kuchh achchhā na thā

zahr bastī kī fazā meñ is qadar phailā na thā

is qadar surḳhī na thī rang-e-shafaq meñ dosto

āsmāñ kā rang pahle yuuñ kabhī gadlā na thā

maiñ na kah paayā to kyā tujh se na ban paayā to kyā

maiñ na thā koī bhikārī tū koī daatā na thā

raat din kī sarhadoñ meñ ab nahīñ hotī tamīz

vo bhī kyā din the ki din kaaTe kabhī kaTtā na thā

ham to apne dard se haare sadā dete rahe

be-hisī ke gumbadoñ meñ koī darvāza na thā

yun to pichhle sal ka mausam bhi kuchh achchha na tha

zahr basti ki faza mein is qadar phaila na tha

is qadar surKHi na thi rang-e-shafaq mein dosto

aasman ka rang pahle yun kabhi gadla na tha

main na kah paya to kya tujh se na ban paya to kya

main na tha koi bhikari tu koi data na tha

raat din ki sarhadon mein ab nahin hoti tamiz

wo bhi kya din the ki din kaTe kabhi kaTta na tha

hum to apne dard se haare sada dete rahe

be-hisi ke gumbadon mein koi darwaza na tha