yun to sab kuchh kaha kare koi

yuuñ to sab kuchh kahā kare koī

vo na māneñ to kyā kare koī

jab vafā par jafā kare koī

ulTī duniyā ko kyā kare koī

haal dekhā mirā to farmāyā

yuuñ na mujh par marā kare koī

dard ruktā nahīñ kisī pahlū

haa.e aise meñ kyā kare koī

thaam kar dil ko aah kartā huuñ

phir na mujh se gila kare koī

haiñ masīhā to hoñ mujhe kyā kaam

merī aa kar davā kare koī

vo na aa.e jo fātiha paḌhne

apnī taqdīr kyā kare koī

mar ga.e ham isī tamanna meñ

dil kī bāteñ sunā kare koī

yun to sab kuchh kaha kare koi

wo na manen to kya kare koi

jab wafa par jafa kare koi

ulTi duniya ko kya kare koi

haal dekha mera to farmaya

yun na mujh par mara kare koi

dard rukta nahin kisi pahlu

hae aise mein kya kare koi

tham kar dil ko aah karta hun

phir na mujh se gila kare koi

hain masiha to hon mujhe kya kaam

meri aa kar dawa kare koi

wo na aae jo fatiha paDhne

apni taqdir kya kare koi

mar gae hum isi tamanna mein

dil ki baaten suna kare koi