yun to shiraaza-e-jaan kar ke baham uThte hain

yuuñ to shīrāza-e-jāñ kar ke baham uThte haiñ

baiThne lagtā hai dil jūñhī qadam uThte haiñ

ham to is razm-gah-e-vaqt meñ rahte haiñ jahāñ

haath kaT jaa.eñ to dāñtoñ se alam uThte haiñ

sahl añgār-tabī.at kā burā ho jis se

naaz uThte haiñ tire aur na sitam uThte haiñ

koī rauñde to uThāte haiñ nigāheñ apnī

varna miTTī kī tarah raah se kam uThte haiñ

niiñd jaatī hī nahīñ arz-e-hunar se aage

daftar-e-ġham hī sadā kar ke raqam uThte haiñ

din kī āġhosh-e-razā.at se nikal kar 'tābish'

raat kī raat kaf-e-ḳhāk se ham uThte haiñ

yun to shiraaza-e-jaan kar ke baham uThte hain

baiThne lagta hai dil junhi qadam uThte hain

hum to is razm-gah-e-waqt mein rahte hain jahan

hath kaT jaen to danton se alam uThte hain

sahl angar-tabiat ka bura ho jis se

naz uThte hain tere aur na sitam uThte hain

koi raunde to uThate hain nigahen apni

warna miTTi ki tarah rah se kam uThte hain

nind jati hi nahin arz-e-hunar se aage

daftar-e-gham hi sada kar ke raqam uThte hain

din ki aaghosh-e-razaat se nikal kar 'tabish'

raat ki raat kaf-e-KHak se hum uThte hain