yun ulajh kar rah gai hai tar-e-pairahan mein raat
yun ulajh kar rah gai hai tar-e-pairahan mein raat
Wali Alam Shaheen
MORE BYWali Alam Shaheen
yuuñ ulajh kar rah ga.ī hai tār-e-pairāhan meñ raat
be-dilī ke saath ab utregī jān-o-tan meñ raat
khol kar bādal ke darvāze nikal aayā hai chāñd
gir paḌī hai raqs karte karte phir āñgan meñ raat
baat kyā hai kashtiyāñ khultī nahīñ sāhil se kyuuñ
ḳhvār o āvāra sī hai apne adhūre-pan meñ raat
kaam itne haiñ ki ab ye sochnā bhī hai muhāl
kis kashākash meñ kaTā din kaun sī uljhan meñ raat
luuT le jaate haiñ sab dhanvān din kī raushnī
aur TukḌe TukḌe baT jaatī hai har nirdhan meñ raat
kar ga.iiñ chhiḌkāv āñkheñ aaj 'shāhīñ' is tarah
khil uThīñ murjhā.ī kaliyoñ se bhare dāman meñ raat
yun ulajh kar rah gai hai tar-e-pairahan mein raat
be-dili ke sath ab utregi jaan-o-tan mein raat
khol kar baadal ke darwaze nikal aaya hai chand
gir paDi hai raqs karte karte phir aangan mein raat
baat kya hai kashtiyan khulti nahin sahil se kyun
KHwar o aawara si hai apne adhure-pan mein raat
kaam itne hain ki ab ye sochna bhi hai muhaal
kis kashakash mein kaTa din kaun si uljhan mein raat
luT le jate hain sab dhanwan din ki raushni
aur TukDe TukDe baT jati hai har nirdhan mein raat
kar gain chhiDkaw aankhen aaj 'shahin' is tarah
khil uThin murjhai kaliyon se bhare daman mein raat
- Book : Pakistani Adab (Pg. 547)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
