yunhi baiThe raho bas dard-e-dil se be-KHabar ho kar
yunhi baiThe raho bas dard-e-dil se be-KHabar ho kar
Asrarul Haq Majaz
MORE BYAsrarul Haq Majaz
yūñhī baiThe raho bas dard-e-dil se be-ḳhabar ho kar
bano kyuuñ chārāgar tum kyā karoge chārāgar ho kar
dikhā de ek din ai husn-e-rañgīñ jalva-gar ho kar
vo nazzāra jo in āñkhoñ meñ rah jaa.e nazar ho kar
dil-e-soz-āshnā ke jalve the jo muntashir ho kar
fazā-e-dahr meñ chamkā kiye barq o sharar ho kar
vahī jalve jo ik din dāman-e-dil se gurezāñ the
nazar meñ rah ga.e gul-hā-e-dāmān-e-nazar ho kar
falak kī samt kis hasrat se takte haiñ ma.āz-allāh
ye naale nā-rasā ho kar ye aaheñ be-asar ho kar
ye kis ke husn ke rañgīn jalve chhā.e jaate haiñ
shafaq kī surḳhiyāñ ban kar tajallī-e-sahar ho kar
yunhi baiThe raho bas dard-e-dil se be-KHabar ho kar
bano kyun chaaragar tum kya karoge chaaragar ho kar
dikha de ek din ai husn-e-rangin jalwa-gar ho kar
wo nazzara jo in aankhon mein rah jae nazar ho kar
dil-e-soz-ashna ke jalwe the jo muntashir ho kar
faza-e-dahr mein chamka kiye barq o sharar ho kar
wahi jalwe jo ek din daman-e-dil se gurezan the
nazar mein rah gae gul-ha-e-daman-e-nazar ho kar
falak ki samt kis hasrat se takte hain maaz-allah
ye nale na-rasa ho kar ye aahen be-asar ho kar
ye kis ke husn ke rangin jalwe chhae jate hain
shafaq ki surKHiyan ban kar tajalli-e-sahar ho kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
