yunhi jalae chalo dosto bharam ke charagh

yūñhī jalā.e chalo dosto bharam ke charāġh

ki rah na jaa.eñ kahīñ bujh ke ye alam ke charāġh

har ek samt añdherā hai hū kā aalam hai

jalāo ḳhuub jalāo nadīm jam ke charāġh

jahāñ meñ DhūñDte phirte haiñ ab ḳhushī kī kiran

kahā thā kis ne jalāo huzūr ġham ke charāġh

vafā kā ek hī jhoñkā na sah sake zālim

tirī tarah hī ye nikle terī qasam ke charāġh

bujhā diye haiñ vahīñ gardish-e-zamāna ne

jalā.e jis ne jahāñ bhī kahīñ sitam ke charāġh

unhīñ se miltī rahī manziloñ kī lau mujh ko

bahut hī kaam ke nikle rah-e-adam ke charāġh

'kañval' unhīñ se mile raushnī kahīñ shāyad

jalā rahā huuñ yahī soch kar qalam ke charāġh

yunhi jalae chalo dosto bharam ke charagh

ki rah na jaen kahin bujh ke ye alam ke charagh

har ek samt andhera hai hu ka aalam hai

jalao KHub jalao nadim jam ke charagh

jahan mein DhunDte phirte hain ab KHushi ki kiran

kaha tha kis ne jalao huzur gham ke charagh

wafa ka ek hi jhonka na sah sake zalim

teri tarah hi ye nikle teri qasam ke charagh

bujha diye hain wahin gardish-e-zamana ne

jalae jis ne jahan bhi kahin sitam ke charagh

unhin se milti rahi manzilon ki lau mujh ko

bahut hi kaam ke nikle rah-e-adam ke charagh

'kanwal' unhin se mile raushni kahin shayad

jala raha hun yahi soch kar qalam ke charagh