yunhi kar lete hain auqat basar apna kya
yūñhī kar lete haiñ auqāt basar apnā kyā
apne hī shahr meñ haiñ shahr-badar apnā kyā
raat lambī hai chalo ġhībat-e-yārāñ kar leñ
shab kisī taur to ho jaa.e basar apnā kyā
dūriyāñ fāsle dushvār guzargāheñ haiñ
hai yahī shart-e-safar raḳht-e-safar apnā kyā
tujh se ab izn-e-takallum bhī agar mil jaa.e
lab hileñ yā na hileñ aañkh ho tar apnā kyā
jaam phir taaza karo raat bahut lambī hai
kuchh to karnā hai miyāñ tā-ba-sahar apnā kyā
yunhi kar lete hain auqat basar apna kya
apne hi shahr mein hain shahr-badar apna kya
raat lambi hai chalo ghibat-e-yaran kar len
shab kisi taur to ho jae basar apna kya
duriyan fasle dushwar guzargahen hain
hai yahi shart-e-safar raKHt-e-safar apna kya
tujh se ab izn-e-takallum bhi agar mil jae
lab hilen ya na hilen aankh ho tar apna kya
jam phir taza karo raat bahut lambi hai
kuchh to karna hai miyan ta-ba-sahar apna kya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
